BISP Good News of February Installment of Rs 14,500: Assalam-o-Alaikum. Aaj hum aap ko Benazir Income Support Programme ke headquarters se latest breaking news de rahe hain. Government of Pakistan aap ke liye yeh paise bhejti hai, yeh aap ke haq hain aur kisi bhi shakhs ko ijazat nahi deni chahiye ke woh aap se koi katoti kare ya kam paise de. Yeh aap ka haq hai aur poora amount aap ko milna chahiye.
Ab is waqt ki sab se badi khushkhabri yeh hai ke nai February ki qist milna shuru ho rahi hai. Bohat si khawateen ke paise aa rahe hain aur amount Rs 14,500 tak pohanch gaya hai. Pehle jo date di gayi thi us mein tabdeeli aa chuki hai aur ab agle Juma se yeh payment ka silsila shuru hone wala hai. Yeh date amuman Ramadan Sharif ki doosri tarikh ke qareeb ban rahi hai. Agar aap bhi apne paise check karna chahti hain to yeh bohat asaan hai.
Sab se pehle aap 8171 web portal par ja kar apni eligibility aur payment status check kar sakti hain. Google par sirf 8171 likh kar search karen aur wahan apna CNIC daal kar asani se dekh len. Ya phir apne qareebi retailer ya dukaan se bhi check karwa sakti hain jahan se pehle paise liye gaye thay. Khud check karna behtar hai taake koi extra paisa na dena pare.
Bohat si khawateen pooch rahi hain ke survey kab ho ga kyun ke un ke paise band ho gaye hain aur message aa raha hai ke survey karwao. Survey ke bare mein good news hai ke yeh Eid ke baad dobara open hone wala hai. Matlab Ramadan guzarne ke baad survey ka process shuru ho ga. Abhi offices band hain lekin jald hi date announce ho jayegi. Jab tak survey na ho, paise dobara start nahi ho sakte kyun ke survey hi woh zariya hai jis se eligibility wapas mil jati hai.
Ab wallet account aur SIM ke bare mein. Bohat si behnon ko wallet SIM mil chuki hai lekin account abhi open nahi hue. Yeh nai February qist wallet account mein nahi aayegi balke retailer hazraat se hi milegi. Pehle jaise camp sites nahi lagen ge, is dafa payment dukanon ya retailer points se hi hogi. Bohat si jagahon par log katoti ki shikayat kar rahe hain jaise Rs 1500 ya 2000 ya kabhi zyada bhi le lete hain. Is liye hamesha poora amount mangen aur agar katoti ho to BISP office ya helpline se shikayat karen.
Agar aap ne pehle se JazzCash ya EasyPaisa jaise account khol liye hain to koi masla nahi. Yeh aap ke apne paise rakhne ke liye use kar sakti hain. Jab official BISP wallet account open ho jayega, jo March ke mahine se shuru hone wala hai, to us mein payments aani shuru ho jayengi. April, May tak yeh process poora ho jayega aur phir aap ke paise seedha wallet mein transfer ho jayenge. Abhi SIM ko mobile mein daalne ki zaroorat nahi har roz, lekin hafte ya 15 din mein ek baar daal kar call ya message kar len taake active rahe. Aur SIM mein balance zaroor dalwayen warna company band kar deti hai.
Yeh sab updates aap ke liye hain taake aap mutwajjah rahen. Apne paise ke haq ke liye awaz uthayen aur kisi ko katoti na karne den. InshaAllah agle Juma se nai qist ka silsila shuru ho jayega. Agar aap ko mazeed maloomat chahiye to 8171 check karen ya official sources se confirm karen. Allah aap sab ko asaniyan de aur yeh madad barqarar rahe.
About The Author
Thank you very much sir thank you i have received the money
congs: God bless you